للاسف من رجال [الأرشيف] - منتديات وادي بيش

فهودي1001

04-06-2009, 01:35 PM

بسم الله الرحمن الرحيمـ

•ll• ¨°•√للاسف منت رجال√•°¨ •ll•.:

لما يتقدم خاطب ويدق الباب عشان راتبها

ويقولها بكل صراحه بعد الزواج

اخذتك عشان راتبك,, مو سواد عيونك

للاسف منت رجاال ..

........

لما ترضى تجلس بالبيت واختك أو زوجتك تصرف عليك

للاسف منت رجاال ...

......

لما تكون طول وعرض وفشخره على الفاضي

للاسف منت رجال ...

لما تكون حبيب ماما,,, ودلوع بابا

وأنت مشورب

للاسف منت رجال....

لما بكل مجلس تقول بصوت عاالي

عرفت فلانه بنت فلان وضحكت عليها

وهذى صورها وهذا رقمها

للاسف منت رجال

...........

لما تكشخ وتتعطر وتدوج بالاسواق بدون هدف

وتكلم هذى وترقم هذى

للاسف منت رجاال ...

لما تخليت عن ثوبك ولبست بنطلون طايح من شده خجله منك

للاسف منت رجال...

.............

لما تاخذ من امك كم ريال عشان دخاان

للاسف منت رجال ...

لما تكون فاضى طول الوقت ووقت الصلاه سبحان الله تنشغل

للاسف منت رجاال ...

لما تسمح لاصحابك يقولون من باب المزح

وللاسف الكلمه دارجه عند الشباب

الله يلعن امك

وتضحك

وتقول :

الله يلعن امك أنت

للاسف منت رجال ....

...............

لما تكون متزوج ,,, او خاطب ,,, او حتى تحب

وتخون بكلمه ونظره مع الغير

للاسف منت رجال

لما تعتمد على فلوس ومنصب ابوك

وتقول : وليه اشتغل!!

للاسف منت رجال

لما تجرح بنت اخت او قريبه ونسيت انك الرجال والاقوى

للاسف منت رجال ..

لما عندك اي كلمه تقولها عادي لزوجتك

انتى طالق

للاسف منت رجال...

...............

لما تدق عليك امك تالى اليل بالاستراحه

وتسكر الخط فى وجها وتقول ا زعجتنا العجوز

للاسف منت رجال.........
...............

لما تقول عند خوايك الشاكوش واقف بطريق سفرتى معكم

تقصد ابوك

للاسف منت رجال.........

..............

لما تقول عند اهلك بروح عمره ,,, وانت خارج الديره تدور البنات

للاسف منت رجال ............

...........

لما تتزوج مسيار واسكت لا احد يدرى وخايف

من ربعك واهلك وجماعتك يدرون

للاسف منت رجال .........

لما ترفض خطيب لبنتك او اختك

عشان تستفيد من راتبها

للاسف منت رجال..........
............

لما تكون وسيله التفاهم عندك يدك مو لسانك

للاسف منت رجال

لما تخجل من شغله ابوك البسيطه

للاسف منت رجال

لما تقول لزوجتك وهى بغرفه الولاده

اذا جبتى بنت طسي بيت أهلك

للاسف منت رجال..........

لما تعتقد مجرد اعتقاد ان الرجوله بس تربيه شوارب

للاسف منت رجال...........

لما تقسط لك زوجك سياره من راتبها ووتتزوج عليها ثانيه

واتخذها برحله بسيارتك

على حساب الاولى

للاسف منت رجاال..........

لما تدخل بيتك وحده من وراء اهلك

للاسف منت رجال.........

لما تفرق بين بنتك وولدك

وتقول هذا ولد عزوه والبنت تنطق

للاسف منت رجال........

لما تنسى بيتك وزوجتك وعيالك

وتروح مع الثانيه دون عداله

للاسف منت رجال..........

لما تاخذ حقك من زوجتك بالغصب وهى زعلانه

من غير ما تراضيها

وتعتبر الشي حقك ورجوله منك

للاسف منت رجال........

لما تتخلى عن اعز ربعك بوقت شده

للاسف منت رجاال..........

لما تماشي فلان عشان فلوسه

للاسف منت رجال........

لما تشوف بنات
الناس عادى واختك

لا عيب وحرام

للاسف منت رجال......

لما تحبها وتحبك بصدق

وفجاءه شفت غيرها

وتخليت عنها .. دون سبب

للاسف منت رجال ..........

لما تحط عينك على وحده تعرف ان اخوك اوصديقك يحبها

للاسف منت رجال..........

لما تصرخ بوجه امك ارضاء لزوجتك

للاسف منت رجاال.....

لما تطلب من واحد يكفلك

وتتهرب منه وتنكر وتجحد

للاسف منت رجال.........

لما تنقل حكى من واحد لواحد

للاسف منت رجال..........

لما تشوف بنت في حالها

وماتعطي احد وجه

وتقول : على ايش شايفه نفسها

بكسر خشمها

للاسف منت رجال..........

لما تصدق هرج حاسد وعاذل برفيق دربك

من غير ما تسمع منه وتعطيه فرصه يوضح لك

للاسف منت رجال....

لما فجاءه تكتشف بعد زواجك

انك ماحبيت زوجتك بعد ماجبت منها عشر عيال

جاك الاحساس

و

جرحت

كرامتها

للاسف منت رجال ....

الرجوله غير الذكوره

مو كل من لبس غتره وشماغ صار رجال

مو كل من له شارب ولحيه صار رجاال

الرجوله

موقف

وكرامه

وتصرف

كثير بنات أرجل من كثير من الرجال

ما كل من صاد صقر صار صقار

بعض الصقور وقت الشدائد دجاجه

كونى أرفض كل تصرفاتك العوجاء ايها الذكر

ولن اقول الرجل

فانا ارجل منك .........

حين ادعى لك بالهدايه واهز راسي خيبه وحسره

من حال بعض الرجال

انا ارجل منك ...

اكتشفت انى بزمن اصبحت الرجوله نادره

ربما اضطرت البنت لتلعب دور الرجل

في زمان اصبحنا لانفرق بين البنت والولد

حتى الملابس تشابهات

انا ضد فئه من الرجال

واكيد الكثير منهم ونعم الرجال

كثير خانتهم رجولتهم ولم يحملو منها سوء الاسم فقط

كثيررووووووووووووووون هم الذكور

قليلوووووووووووووون هم الرجال

آل محرق

04-07-2009, 04:04 AM

لك مني اجمل تحية ياخوي
وتسلم ويعطيك العافية
وتقبل مروري ومشاركتي

قصيدة اعجبتني .. اتمنى ان تنال على اعجابكم

قصيده جيده تستاهل الواحد يعطيها من وقته شوي

عنوانها : المرجله

إذا المراجل لبسة شماغ وعقال
قل للعذارى يلبسنّ العمايم

ما عاد يفرق زول حرمه ورجال
دام الفعايل تشبه البعض دايم

المرجله ما هيب كلمه وتنقال
وتروح ما راحت هبوب النسايم

وإلا خشونة صوت أو رفع الأثقال
أو رزة صدور وفعل الزلايم

ولا هي بعد مفتاح موتر وجوال
وإلا ردى لسانن حديثه شتايم

المرجله شيمه عن القيل والقال
رفيع نفس (ن ) حر بالجو حايم

المرجله عقلٍ وزن وزنه جبال
ودون العقل وش فرقنا والبهايم

يا مسندي لو مايل الوقت بي مال
يا ولد أبويه يا عظيم العزايم

يا معرب الجدين من العم والخال
يا نخوة المفزوع وقت الهزايم

المرجله يا خوي هي طولة البال
هي العزم هي الصبر فالظلايم

فيها الكرم عزه دله وفنجال
فيها الكرامه عن ردى الطبع شايم

والدين لامنه خذا القلب منزال
مشى طريق الحق وابليس نايم

ومن لا عرف ربه في طيب الحال
لابد وقت الضيق بالهم هايم

حتى صلاتك مع جماعات ورجال
في خيرها يا خوي نعم الغنايم

ولامن نصف ليلك قم صفي البال
يا عظم أجرك بين ساجد وقايم

ولا من رفع ربي له كل الأعمال
حسن الذكر لا قالو فلان صايم

وخلك شريف القصد يا طيب الفال
سوء المقاصد فالبيوت الهدايم

واحذر تبيع النفس في دب الأنذال
وتتبع خوي إبليس راع النمايم

النفس خيل لك إذا كنت خيّال
ومن لا قوى نفسه قوته الهزايم

ولا صرت ما تدري لو يش أنت رجال
والله خسارة فيك ذبح التمايم

عبادي بيش

04-07-2009, 05:05 AM

يعطيك العافية وجزاك الله خيرا

عنود الصيد

04-07-2009, 09:27 PM

والله عالجرررررررررررررح

كفيت ووفيت وتسلم يمنااااااااااااااااك

عطر بيش

04-07-2009, 09:58 PM

صدقت والله لا فض فوك
تقبل تحياتي

موانيء الحرف

04-08-2009, 12:02 AM

كثيررووووووووووووووون هم الذكور

قليلوووووووووووووون هم الرجال

كل الرجال ذكور وليس كل الذكور رجال

دمت بكل خير

NURSER

04-10-2009, 01:02 AM

لما تكون حبيب ماما,,, ودلوع بابا

وأنت مشورب

للاسف منت رجال....
>>>>>>>>>>>>>>>>>

تسلم فهووودي على الموووضووع